Policia kufitare në Qafë-Thanë ka arrestuar një 28-vjeçar indian, pasi tentoi të dilte nga Shqipëria me pasaportë të dyshuar si të falsifikuar.
Ai ia kishte vjedhur pasaportën një tjetër shtetasi indian.
”Gjatë verifikimit të dokumentacionit të shtetasit indian S. E., 28 vjeç, rezultoi se ky shtetas ishte paraqitur me një pasaportë të dyshuar si të falsifikuar, e cila i ishte vjedhur një shtetasi tjetër indian,’’, informon policia.
Ndërkohë, një 52-vjeçar polak u procedua penalisht, pasi në automjetin e tij u gjet një armë gjahu pa leje.
”Gjithashtu gjatë kontrollit të ushtruar në mjetin tip “Toyota” të shtetasit polak M. M., 52 vjeç, iu gjet një armë gjahu tip pushkë (pneumatike) pa lejen përkatëse, e cila iu bllokua në cilësinë e provës materiale’’, thuhet në njoftimin e uniformave blu.
Veprimet e mëtejshme proceduriale në lidhje me këto raste, u kryen nga specialistët për hetimin e krimeve në Komisariatin e Policisë Pogradec, të cilët bënë arrestimin në flagrancë të shtetasit S. E., si edhe illuan procedimin penal në gjendje të lirë ndaj shtetasit M. M.
Materialet i kaluan Prokurorisë të Rrethit Gjyqësor Pogradec për veprime të mëtejshme.
