Një 25-vjeçar është arrestuar nga policia e Elbasanit.
Shtetasi E.Gashi, ishte shpallur në kërkim për vrasje të mbetur në tentativë.
Ai është autor i plagosjes me armë zjarri i shokut të tij, një vit më parë, së bashku me një tjetër person.
Ky shtetas në bashkëpunim me shtetasin E.T., ( i cili është shpallur në kërkim policor), më datë 26.02.2020, në lagjen “Haxhias”, Elbasan, gjatë një konfliktit për motive të dobëta kanë qëlluar me armë zjarri shtetasin E.B., pa pasoja për jetën’’, informon policia.
Ndërkohë, për 25-vjeçarin ,Gjykata e Shkallës Parë Elbasan, ka caktuar masën e sigurisë “Arrest me burg”, për veprat penale “Vrasje në rrethana të tjera cilësuse” e kryer në bashkëpunim, e mbetur në tentativë, dhe “Mbajtja pa leje e armëve të zjarrit”.
Vijon puna intesive për kapjen e personit tjetër në kërkim.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime e mëtejshme proceduriale.
