Policia e Durrësit ka ndërmarrë kundër krimit të organizuar mbrëmjen e sotme. Raportohet se janë arrestuar tre persona, që dyshohet të jenë pjesë e një bande kriminale.
Mësohet se gjatë aksionit që po vijon ende është arrestuar shtetasi Marjel Fierza, i dyshuar si anëtar i Bandës së Durrësit. Fjerza është person me precedent të mëparshëm kriminal. 30-vjeçari u ka shpëtuar dy atentateve në vitin 2010 dhe 2012.
Gjithashtu është arrestuar dhe Genti Nderjaku 34 vjeç, i cili ndodhej në mjetin tip ‘Porche’, me drejtues Marjel Fierza në të cilin u gjetën dhe u sekuestruan në cilësinë e provave materiale, 2 armë zjarri pistoletë tip Beretta, 6 telefona celularë.
Ka qenë pikërisht emri i kreut të Bandës së Durrësit, Lul Berisha, i përmendur nga Donald Lu ditën e djeshme në një fjalim në Shkollën e Magjistraturës.
Ky operacion u bë vetëm një ditë pas deklaratës së fortë të ambasadorit amerikan Donald Lu, i cili hapur denoncoi familjet kriminale dhe bandat që operojnë në Shqipëri.
