Karabinierët e Riminit, në bashkëpunim me kolegët e tyre në Lecce, kanë bllokuar dy trafikantë droge gati për të përmbytur bregun e Adriatikut me 250 kilogramë marijuanë. Në pranga kanë përfunduar, në Torre Chianca në provincën e Lecces, një italian nga Brindisi 43-vjeçar dhe dy shqiptarë të moshave 36 dhe 29 vjeç, me banim në San Gimignano dhe Rimini, që të dy të njohur për forcat e policisë.
Prologu i operacionit të karabinierëve nisi në Rimini më 14 shkurt, kur në autostradn e Riminit Jugor ishte arrestuar një shtetas shqiptar me 52 pako që përmbanin gjithsej 65,5 kg marijuanë të fshehur në bagazhin e një “Renault Scenic”.Vazhdimi i hetimeve, me hetuesit e Karabinierëve që kanë kontrolluar me kujdes tabulatet telefonike të të arrestuarit, ka bërë të mundur gjurmimin e udhëtimit të tij duke mbërritur deri në Puglia dhe në Torre Chianca.
Karabinierët arritën të zbulonin se qyteti i Lecces dhe bregu i tij, ishte pika e mbërritjes së drogës nga Shqipëria dhe që pasi klasifikohej, dërgohej në pikat kryesore të shpërndarjes në Itali.Me mbështetjen e karabinierëve të Lecces, hetuesit e Riminit kanë ngritur një shërbim vëzhgimi për të identifikuar banesat e braktisura të zonës, të përdorura si depozita.
Gjatë ndjekjeve, më 17 shkurt është vënë re një individ që në bordin e një “Mazda 5”, kishte hyrë në një strukturë të shkatërruar. Pasi hynë në veprim, karabinierët kanë bllokuar 43-vjeçarin me 47 pako marijuanë në total 76 kilogramë marijuanë, materiale paketimi dhe një peshore për peshimin e fëmijëve 20 kg.Kërkimi tjetër në një shtëpi në pronësi të italianit, 50 metra nga e para, nxori edhe 121 kg drogë të fshehura në 76 pako. Edhe makina, në përdorim nga 43-vjeçari, ishte plot me “bar”, në bagazh u zbuluan edhe 53 kilogram marijuanë të fshehur në 50 pako. Makina ishte e regjistruar në emrin e një shtetasi shqiptar dhe patrulla e zonës bëri të mundur zbulimin e dy shqiptarëve 36 vjeç e 29 vjeç, të cilët ishin fshehur prapa një dune në plazh.
Hetimet në telefonat celularë të tre personave lejuan hetuesit të gjejnë një seri mesazhesh nga të cilat, sipas hetuesve, doli se dy shqiptarët e kishin blerë nga italiani sasinë e madhe të marijuanës.Të tre ata u arrestuan me akuzën për posedim droge me qëllim shpërndarjen në kushte të rënduara dhe në total, u konfiskuan 250 kg drogë, me një vlerë rreth një milion euro, e cila nëse do të hidhej në treg do t’u kishte siguruar trafikantëve një vlerë rreth dyfish më shumë.
