Shkatërrohet rrjeti i trafikimit të klandestinëve në Greqi. Policia greke ka arrestuar 11 persona, 7 shqiptarë dhe 4 grekë.
Grupi trafikonte klandestinë nga Greqia drejt vendeve të Perëndimit, ku dyshohet se ka ndodhur 77 herë. Gjatë operacionit janë sekuestruar edhe 6 makina, para, një pistoletë dhe disa armë gjahu.
Mes të arrestuarve sipas medieve greke është edhe kryetar i Bashkësisë së Pogonit dhe babai i tij, pasi dyshohet se janë të përfshirë në trafikun e klandestinëve.
