Ministri i Brendshëm Fatmir Xhafaj ka reaguar për herë të parë në lidhje ma kapjen e të ‘fortit’ të Shkodrës Safet Rustemi (Bajri), gjatë mbrëmjes së djeshme në Tiranë.
Me anë të një shënimi në Tëitter, ministri, quan superoperacion ndalimin e të rrezikshmeve në veri të vendit, duke theksuar se do të dalin detaje nga policia në një konferencë për media.
“Një tjetër super-aksion policor në kuadër të Operacionit “Forca e Ligjit” nga ana e Task Forcës Speciale Qendrore së Policisë së Shtetit, në bashkëpunim me Prokurorinë e Krimeve të Rënda.
Operacioni “Forca e Ligjit” goditje ndëshkuese njëkohësisht në Shkodër, Tiranë dhe Roterdam (Holandë), me disa të arrestuar për një nga grupet kriminale më të rrezikshëm në veri të vendit. Detajet në Konferencë për media, sot në 10.00, në Policinë e Shtetit”, shkruan Xhafaj.
