Pas arrestimit në Mitrovicë të drejtorit të së ashtuquajturës “Zyrë për Kosovën e Metohinë” në Qeverinë e Serbisë, Marko Gjuriç ka reaguar Beogradi zyrtar.
Presidenti serb Aleksandër Vuçiç ka vendosur një lidhje të drejtpërdrejtë me presidentin rus Vladimir Putin, nga i cili pret përkrahje për zgjidhjen e situatës kritike, shkruan telegraf.rs.
Përveç kësaj, Vuçiç e ka thirrur urgjentisht për sonte në orën 19:30 mbledhjen e Këshillit të Sigurisë Kombëtare, mbledhje të cilën fillimisht e pat thirrur për nesër.
Arrestimi i Gjuriç ka ndodhur në tubimin serb në Kosovë, ku Gjuriç ka shkuar duke shkelur urdhrin e autoriteteve kosovare të cilat ia kishin ndaluar hyrjen.
Ndërkohë, në veri të Mitrovicës, është lëshuar sirena e alarmit, e cila simbolizon gjendje të jashtëzakonshme.
