Pas mbledhjes së Këshillit të Sigurisë së Serbisë, presidenti Aleksandër Vuçiç hodhi akuza të rënda ndaj shqiptarëve duke i cilësuar si terroristë.
Presidenti serb ka shtuar se bëhet fjalë për një provokim brutal që është bërë nga ana e Prishtinës zyrtare, që sipas tij ishte përkrahur nga vende tjera.
Ai bëri me faj edhe misionin e EULEX, pasi sipas tij dy makina të këtij misioni kanë qenë të përfshira në aksion. Vuçiç tha se Marko Gjuriç ishte keqtrajtuar nga policia e Kosovës dhe se tani ai do të marrë trajtim në një spital të Beogradit.
Kujtojmë se mbledhja e Këshillit për Siguri në Serbi ishte paraparë të mbahet në mërkurën, ajo është mbajtur disa orë pas arrestimit të Gjuriqit në pjesën veriore të Mitrovicës.
