Pas protestave të mbajtura në zonën e Astirit, mësohet se gjashtë persona janë arrestuar. Ndalimi i tyre lidhet me faktin se natën që lamë pas, ata bllokuan rrugën.
Në një intervistë për “FaxNews”, një nga zërat më rezistentë të protestës, Lindita Protoduari, thotë se nuk do t’i lënë banesat, edhe sikur gjaku të vejë në gju.
“Ne kemi qenë mbi 15 veta të shoqëruar dje në polici. Dy nga banorëve iu kërkuan sendet personale, dhe donin që t’i mbanin të ndaluar.
Por për shkak të problemeve të tyre shëndetësore, i lanë të lirë. I bëjmë thirrje shtetit shqiptar, që të vijë dhe të flasë më banorët, të mos i fusë në burgje, por të burgosë kriminelët. Gjaku në gju të vejë, ne nuk i lëmë. Na kanë vënë një kryq dyerve, si të ishim nazistë, po zërin tonë nuk na e shuan njeri”.
