Është arratisur nga Shqipëria Fredi Bejleri, njëri nga personat që kanë marrë pjesë në masakrën e Peshkëpisë nga komando greke ‘Pirro i Parë’ 1944, pas hapjes së dosjes nga Prokuroria
Gazetari Elton Qyno, thotë se pas tërheqjes së dosjes nga Gjirokastra ka pasur rrjedhje informacioni duke sjellë edhe arratisjen e Bejlerit nga Shqipëria, pak ditë më parë.
“Hapja e hetimit ka sjellë edhe reagimin e personave që përmenden, nga Fredi Bejleri. Kam dijeni që Fredi Bejleri është larguar nga Shqipëria, pak ditë përpara. Kjo tregon se informacioni i tij, apo shërbimet greke. Informacioni për hapjen e dosjes ka shkuar më parë se ai. Kjo mund të jetë e para rrjedhje informacioni, është bërë tërheqja e dosjes, është kërkuar informacion për lokalizimin e dëshmitarëve dhe në këtë moment kanë informuar njëri tjetrin. Që të kërkosh arrestimin dhe arrestimin nuk mund të bëhet pa prova. Hetimi tani ka filluar” deklaroi ai.
Kujtojmë që Fredi Bejleri në 2015 kandidoi për të qenë kryetar i bashkisë së Himarës në siglën e PBDNJ dhe i mbështetur nga opozita e djathtë.
