Pas një kohe të gjatë heshtje, Rama nuk ka mundur dot të përballojë trysninë e komentuesve, të cilët i kërkonin llogari se çfarë duhet të bëjë qeveria pas ngjarjes në Selenicë, ku 24-vjeçari Ritvan Zykaj, ekzekutoi me armë 8 kushërinjtë e tij.
Tashmë është bërë e udhës që qytetarët përballen me Ramën, por ata kërkojnë të dinë se çfarë do të bëhet, ku krimi po përhapet në mënyrë të frikshme. Por Rama nuk ia ka lënë mangut, duke i thënë se ndodhira të tilla ndodhin edhe në vendet më të zhvilluara demokratike, dhe se nuk ka asnjë lidhje me qeverinë. Replika e tij ne rrjetin social Facebook, është reagimi i parë i Ramës për ngjarjen e rëndë.
Planifikimi i krimit nga autori
Ndonëse policia kishte blinduar të gjithë zonën, 24-vjeçari ia arriti që për shtatë orë t’i fshihej policisë. Ekspertët kriminalistikë mendojnë se ekzekutimi që ka kryer, nuk ka qenë një krim në gjaknxehtësi.
https://tiranatoday.com/deshmi-tronditese-nga-i-afermi-i-8-viktimave-gjeme-e-madhe-24-vjecarin-e-njohim-per-djale-te-hedhur/
“Fakti që nuk ka qëlluar ndaj forcave të policisë, tregon se ai jo vetëm e ka planifikuar me detaje vrasjen e kushërinjve, por e dinte se policia do kundërpërgjigjej nëse hapte zjarr mbi ta, dhe mund të vritej. Ai tashmë në dukje jo vetëm nuk ka pendesë, por kërkon vëmendjen e publikut, i duket vetja superior”, thonë ekspertët e kriminalistikës.
