Një 63-vjeçar është arrestuar në flagrancë nga policia në Mallakastër.
Shtetasi D.K qëllonte në ajër me kallashnikov duke shkaktuar frikë dhe panik te banorët dhe ai ka tentuar të hedhë armën dhe të largohet, por është kapur dhe prangosur.
Në banesën e tij, policia gjeti një sërë armësh.
”Gjatë kontrollit të banesës së 63-vjeçarit, shërbimet e Policisë gjetën dhe sekuestruan në cilësinë e provës materiale 1245 fishekë, tre krëhra, një ndezës mekanik, granatë ofensive, një shkop gome, një thike me teh të gjatë, një dorezë hekuri, një dorezë me sferë hekuri goditëse, barut për armë gjahu, një radio si ato të Policisë dhe 485 kg duhan i grirë, pa dokument blerjeje’’, informon policia.
Po në vijim të kontrollit të territorit, është arrestuar në flagrancë shtetasi J. Rr., 25 vjeç.
Gjatë kontrollit, shërbimet e Policisë Divjakë i kanë gjetur dhe sekuestruar në cilësinë e provës materiale 1 armë zjarri pistoletë, 1 pushkë, 2 krëhra dhe 38 fishekë.
https://www.facebook.com/policiashtetitshqiptar/videos/2888747671411585/
