Kategoria e Dytë në Shqipëri është kthyer shpesh në një arenë lufte, ku janë dhunuar arbitrat. Këtë herë pamjet vijnë nga ndeshja Përmeti-Këlcyra të cilat janë shokuese. Në minutën e 82’ është ndërprerë ndeshja pasi lojtarët ë Këlcyrës kanë ushtruar dhunë barbare ndaj arbitrit fierak Alvi Paco.
Gjithçka ka filluar pas një penalltie të akorduar nga arbitri, në favor të ekipit të Përmetit. Lojtarët e Këlcyrës kanë shkuar të gjithë së bashku për të protestuar të arbitri, dhe aty gjerat kanë degraduar deri në dhunë fizike. Policia ka ndërhyrë menjëherë për të qetësuar gjendjen, por vazhdimi i lojës ka qenë i pamundur.
