Gjatë transmetimit live dje, një tjetër incident i ndodhi moderatorit Ardit Gjebrea. Një prej monitorëve në studio kishte një problem me audion. Pas performancës së një 16-vjeçareje në kategorinë “New Artist”, dëgjimi i vendimit të jurisë hasi si pengesë mungesën e audios në monitorin e studios.
Gjebrea i bëri thirrje teknikës që të kthente audion, pasi në këtë mënyrë nuk mund të vazhdonin. Ai tha publikisht se zgjidhja duhet gjetur menjëherë, pasi është e katërta javë që ata po turpërohen.
“Nuk dëgjojmë opinionin e jurisë dhe nuk mund të vazhdojmë kështu. Duhet të zgjidhet problemi, se është e katërta javë që po turpërohemi. Nëse teknika nuk do të na përgjigjet, do të gjejmë zgjidhje”, tha Ardit Gjebrea.
