Drejtori i Përgjithshëm i Policisë, Ardi Veliu, është konfirmuar në detyrë nga Komisioni i Jashtëm i Vlerësimit. Komisioni i Jashtëm i Vlerësimit është shprehur se Veliu nuk ka asnjë problem në të treja shtyllat e vlerësimit.
Ai është verifikuar në të trija shtyllat e këtij procesi që janë; pastërtia e figurës, aftësitë profesionale, dhe deklarimi pasuror.
Një ditë më parë, Veliu dha sqarime për pasurinë e tij, duke thënë se ka porositur një apartament në Tiranë me vlerë 79 mijë euro. Pesë milionë lekë janë kredi, ndërsa pjesa tjetër të ardhura nga puna dhe familja.
Ai deklaron 5 mijë euro të ardhura nga shitja e një makine, ndërsa bashkëshortja rezulton me llogari bankare 2.4 milionë lekë të dhuruara nga prindërit.
Sipas Komisionit të Jashtëm të Vlerësimit, pasurinë e ka të justifikuar. Edhe për aftësinë profesionale nuk pati probleme.
