Në krye të Shkollës së Magjistraturës është vendosur ish-kryeprokurori Arben Rakipi.
Këshilli Drejtues ka caktuar përkohësisht në postin e drejtorit të komanduar Arben Rakipin, i cili zëvendëson në këtë post ish-drejtuesin Sokol Sadushi, të zgjedhur së fundmi si gjyqtar pranë Gjykatës së Lartë.
Sadushi ka ushtruar detyrën e Drejtorit të Shkollës së Magjistraturës prej muajit nëntor të vitit 2014, detyrë që e ka vazhduar deri më datë 13 mars 2020, në mandatin e tij të dytë të dhënë nga Këshilli Drejtues i Shkollës së Magjistraturës.
Magjistratura ka hapur prej 1 prillit garën për emrin e ri të drejtuesit të kësaj shkolle, ndërsa afati i aplikimit prej 30 ditësh është pezulluar deri në përfundim të pandemisë COVID-19.
