Në aksident që ka ndodhur mbrëmjen e sotme në aksin rrugor Tabanoc – Kumanovë kanë mbetur të plagosur rreth 14 persona, mes të cilëve edhe ish-ministri i Financave i Shqipërisë, Arben Ahmetaj.
Ai është dërguar me urgjencë në spitalin e Kumanovës për ndihmë mjekësore pasi raportohet të ketë marrë plagë e lëndime të shumta trupore. Amhetaj bën të ditur se është në gjendet të mirë shëndetësore dhe është i shtruar në spital.
Ahmetaj është vizituar nga zëvendësministri i Punëve të Brendshme të Maqedonisë, Agim Nuhiu i cili i ka uruar të gjithë të lënduarve shërim të shpejtë. Nuhiu tha se asnjë prej të lënduarve nuk është në rrezik për jetën.
Aksidenti ndodhi sot rreth orës 17:30 në kryqëzimin e autostradës në pikën kufitare Tabanoc – Kumanovë në krahun që përfshin rrugën magjistrale Kumanovës dhe Kriva Pallankës, në mes të autobusit dhe dy automjeteve të pasagjerëve, njëri prej të cilëve Range Rover me targa të Shqipërisë në të cilën e drejtonte ish ministri Financave të Shqipërisë, i cili ka goditur një automjet tjetër. Ende nuk dihen shkaqet e aksidentit.
