Arabët janë të gatshëm të shpëtojnë Barçën. Mediat spanjolle raportojnë se një shoqëri investimesh nga Emiratet e Bashkuara Arabe, do të paguajë borxhin kolosal të katalanasve që arrin vlerën e 1.35 miliardë eurove.
Televizioni spanjoll “8TV” në emisionin “El Curibito” ka dhënë lajmin se kjo shoqëri financimesh, është gati të paguajë 1.5 miliardë euro në arkat e klubit katalanas.
Borxhet e mëdha të Barcelonës u bënë shkak për largimin e Lionel Messit në verë, si dhe çuan në uljen e pagave për disa nga senatorët e klubit. Fondi arab i ofron shumë më tepër mundësi dhe lehtësi, pasi Barcelona do të paguajë një interes shumë më të ulët. Jo vetëm kaq, por gjatë dy viteve të para të marrëveshjes, Barcelona nuk do t’i paguajë asnjë euro fondit arab.
