BE apeloi ndaj palëve politike që të ulen në dialog, e të tejkalojnë krizën politike. Mesazhi në fjalë vjen pas takimit të zyrtarëve të BE-së në Shqipëri, me përfaqësues të opozitës së bashkuar. Rama duket se është në të njëjtën linjë me ta, duke rithkesuar edhe një herë se palët duhet të ulen e të dialogojnë.
Apeli i ndërkombëtarëve ndonëse i ripërsëritur ndaj spektrit politik në Shqipëri, ka bërë që Rama të reagojë e të jap mesazhe të qarta. Sipas tij, me rëndësi janë reforma zgjedhore, vota e emigrantëve, votimi/numërimi elektronik, penalitetet e reja për shitblerjen e votës.
“Plotësisht dakord me delegacionin e BE: Koha që palët të dialogojnë! Reforma Zgjedhore, vota e emigrantëve, votimi/numërimi elektronik, penalitetet e reja për shitblerjen e votës, duhet të na bëjnë bashkë. Kush iku nga Kuvendi, ka ende vend në tryezën e reformës me status të barabartë!”, shkruan ai në Twitter.
Plotësisht dakord me delegacionin e BE:Koha që palët të dialogojnë! Reforma Zgjedhore,vota e emigrantëve,votimi/numërimi elektronik,penalitetet e reja për shitblerjen e votës,duhet të na bëjnë bashkë. Kush iku nga Kuvendi,ka ende vend në tryezën e reformës me status të barabartë!
— Edi Rama (@ediramaal) April 5, 2019
