“Antonio Cassano është lojtari më i mirë me të cilin kam luajtur ndonjëherë. Midis Romës dhe ekipit kombëtar kam pasur ‘dialog’ në fushë me shumë kampionë, por nuk kam asnjë dyshim se talenti më i kristaltë ishte i tiji. Ai mendonte si unë. Në çdo ndeshje ka situata në të cilat është e natyrshme për mua të kërkoj zgjidhje të paparashikueshme; qoftë prej mënyrës se si jam kthyer, prej pozicionit të kundërshtarëve, prej vështirësisë së pasimit, askush nuk pret që unë ta dërgoj topin atje. Askush përveç Antonios që pa dyshim gjendej aty ku shkon topi. Këto janë kombinime që me të tjerët nuk do të kishin sukses edhe nëse do t’ua u shpjegoja me një dërrasë të zezë ku të vendoseshin. Mjaftonte një vështrim midis tij dhe meje, madje ndonjëherë as ai. Telepatinë e futbollit, nuk e kam ndjerë kurrë më në atë intensitet”. (Francesco Totti)
“Me Cassanon gjithçka bëhet më e lehtë. Ai luan si sulmues i dytë dhe arrin të të japë topin nga një pozicion i pamundur”. (Zlatan Ibrahimoviç)
“Ai është super inteligjent në fushë. Nuk është i gjatë, nuk është shumë i shpejtë, nuk është i fortë fizikisht, por kur e ka topin …ka cilësi të jashtëzakonshme”. (Thierry Henry)
“Ai kishte një ves, gjithmonë duhej të bënte tunel (kalim të topit mes këmbëve të kundërshtarit) në çdo lojë. Një herë bëri një ‘tunel’ dhe më pas i tha kundërshtarit: “Ke të njëjtën ves si mami: gjithmonë rri me këmbët hapur “. (Tonino Rana)
“Kush më hapte më shumë probleme? Cassano. Ndeshje me porta të vogla, e mbyll në vijën fundore, i them vetes “Këtu, tani nuk ka hapësirë as për të lëvizur këmbën.” Me një lëvizjem një të vetme, kthehet dhe më ikën, se si nuk e kuptova kurrë: në dhomën e zhveshjes më ‘masakroi’, të tjerët qeshnin.” (Walter Samuel)
Sot mbush 39 vjeç Antonio Cassano, barezi që ka hyrë në histori si ndoshta italiani me talentin më të madh të çuar dëm. /TIRANA TODAY
