E enjte, 20 Janar, 2022
-1.5 C
Tirana

Fyerje raciste ndaj tre futbollistëve anglezë pas humbjes nga Italia

Tre lojtarë me prejardhje afrikane, që humbën penalltitë për Anglinë në ndeshjen e vendimtare të Kampionatit Evropian të Futbollit kundër Italisë të dielën në mbrëmje, iu nënshtruan abuzimit racist në internet, duke bërë që Federata Angleze e Futbollit (FA) të lëshojë një deklaratë që dënon gjuhën e përdorur kundër lojtarëve.

Bukayo Saka, 19 vjeç, një nga lojtarët më të rinj në skuadrën angleze, humbi penalltinë që i dha titullin Italisë dhe i mohoi Anglisë trofeun e saj të parë ndërkombëtar, që nga Kupa e Botës e vitit 1966.

Ishte dështimi i tretë nga penalltitë për Anglinë përfshirë edhe dështimet e lojtarëve, Marcus Rashford dhe Jadon Sancho.

Federata e Futbollit tha në deklaratë se ishte tmerruar nga abuzimet ndaj tre lojtarëve.

“Ne do të bëjmë gjithçka që është e mundur për të mbështetur lojtarët e prekur ndërsa bëjmë thirrje për ndëshkimin e ashpër të kujtdo që është përgjegjës”, thuhet në deklaratën e FA-së.

“Ne do të vazhdojmë të bëjmë gjithçka që është e mundur për t’i dhënë fund diskriminimit në lojë, por i lutemi qeverisë të veprojë shpejt dhe të miratojë ligjet e duhura në mënyrë që abuzimet të përballen me pasoja”.

Kryeministri britanik, Boris Johnson, dënoi të hënën abuzimet raciste.

“Pjesëtarët e kësaj skuadre të Anglisë meritojnë të priten si heronj, jo të abuzohen …” shkroi kryeministri Johnson në rrjetet sociale duke nënvizuar se “ata që janë përgjegjës për këtë abuzim të tmerrshëm duhet të kenë turp nga vetvetja”.

Ekipi i Anglisë u shpreh “i neveritur që disa nga skuadra jonë – që kanë dhënë gjithçka për fanellën këtë verë – i janë nënshtruar abuzimit diskriminues në internet pas ndeshjes së sotme”.

Policia Metropolitane e Londrës tha se po hetonte mesazhet “ofenduese dhe raciste” në rrjetet sociale./VOA

- Reklama -

Më shumë nga kategoria




Të fundit

Çmimet e reja në Kosovë, si do të llogaritet fatura e energjisë së shpenzuar

Zyra e Rregullatorit të Energjisë ka publikuar një kalkulator për llogaritjen e faturave të energjisë elektrike, pas propozimit për ndryshim të tarifave. Në këtë...

Rënie e lehtë e euros dhe paundit britanik, këmbimi valutor për ditën e sotme

Në kursin e këmbimit valutor, sot vihet re një rënie e lehtë e euros dhe paundit britanik. Ndërkohë, dollari dhe franga zvicerane kanë shënuar...

Kosovë/Omicron rriti infektimet, sot pritet të diskutohet për masat e reja

Varianti Omicron ka shtuar frikshëm infektimet në Kosovë, e ndërsa pritet nga ekspertët që të shtrëngohen sot masat anti-COVID. Në total numri i rasteve aktive...

Përfshihet nga flakët një apartament në zonën e Freskut në Tiranë

Një banesë në zonën e Freskut në Tiranë, është përfshirë nga flakët. Flakët e zjarrit kanë përfshirë banesën e marrë me qira nga shtetasja...

Ngrica, dëborë dhe temperatura deri në -4 gradë celcius

Moti në vendin tonë do të karakterizohet kryesisht nga kthjellime dhe vranësira të lehta, veçanërisht në Ultësirën Perëndimore. Ndërsa zonat përgjatë kufirit lindor, do...