Ansambli “Shota” sonte në Teatrin Kombëtar të Kosovës

Më kuadër të 28 Nëntorit, Ansambli Kombëtar i Këngëve dhe Valleve “Shota” do të mbajë sot koncertin me titull “Festa e Bashkimit”.

Koncerti do të nisë sonte në orën 20:00 në sallën e Teatrit Kombëtar të Kosovës, si dhe i kushtohet edhe ditëlindjes së komandantit Adem Jashari dhe 20 vjetorit të daljes publike të UÇK-së.

Veç trupës artistike të Ansamblit “Shota”, do të performojnë sot edhe anëtarët e grupit polifonik “Bilbili” nga Vlora.

Ansambli në fjalë do të mbajë koncert edhe në Gjilan më 27 Nëntor, me rastin e zbulimit të shtatores së Idriz Seferit.