Përfaqësuesit ligjorë të Partisë Demokratike dhe ai i Lëvizjes Socialiste për Integrim kanë bërë deklarimet përkatëse sot në KAS lidhur me Qarkun e Beratit.
Përfaqësuesi i LSI-së i kërkoi KAS-it shpalljen e pavlefshme të procesit të votimit në qarkun Berat, teksa dyshja e PD-së, Ivi Kaso dhe Marash Logu kanë denoncuar blerjen e votës në Berat me 50 mijë lekë nga Nasip Naço dhe Lorenc Toroveli.
Avokati i LSI-së:
“Të nderuar anëtar të KAS-it parregullsitë e listuara nga ana e LSI, të vërtetuara sipas akteve shkresore dhe procedurave të mbajtur nga personat e caktuar për detyrat zgjedhore sjellin të gjitha…një rezyme të përgjithshme për shkak të pavlefshmërive të shumta të ndodhura në ZAZ-të dhe QV-të e këtij qarku, gjë e cila ndikoi. Pavlefshmëria është totalisht e vërtetuar në materialet zgjedhore dhe aktet që ju kemi vënë në dispozicion, akte të cilat janë prodhuar nga anëtarët e KZAZ-ve përkatëse apo grupet e numërimit. Fakti i tabelave përmbledhëse për kandidatët në shumë QV të cilat për mangësi të procesverbali nuk janë numëruar por janë vlerësuar me zero, ashtu sic dispononi edhe ju nga aktet tona të depozituara në cilësinë e provës materiale, është një shkelje e ligjit për shkak se vota nuk është lexuar. Vullneti i qytetarit nuk është lexuar. Kandidatët nuk janë shpërblyer përmes votive personale, ky fakt është shumë i rëndë. Duke vlerësuar se nga ana juaj do merret një vendimarrje objektive duke shpallur të pavlefshëm votimet në këto ZAZ dhe në këto QV, dhe duke kërkuar që në këto QV të ribëhen zgjedhjet në nivel qarku, përfundimisht i kërkojmë KAS shpalljen e pavlefshme të procesit të votimit në qarkun Berat, sipas QV-ve të listuara, përsëritjen e zgjedhjeve në qarkun Berat”
Partia Demokratike, Ivi Kaso dhe Marash Logu:
“Në qarkun e Beratit ne kemi denoncuar në 7 prill në SPAK një skemë kriminale të ndërtuar nga drejtues politik të PS, konkretisht shtetësja Hatixhe Konomi e renditur e para, së bashku me shtetasin Nasip Naçon i renditur i 4 në listën shumë emërore të PS. Këta shtetas në bashkëpunim me shtetasin Mirel Konomi, drejtues i njësisë administrative nr 1 dhe Lorenc Toroveli ka pasur raste të blerës së votës të peesonave të ndryshëm.
Hatixhe Konomi së bashku me kunatin e saj që është drejtues i njësisë administrative kanë blerë vota ose përmes të hollave ose përmes kuponëve të ID. Ndërsa Nasip Naço dhe Toroveli kanë blerë vota kundrejt shumës 50 mijë lekë të vjetra.
Partia Demokratike ka denoncuar në mënyrë të vazhdueshme faktin se në zonën zgjedhore Qarku Berat nuk kishte përballë saj një parti politike dhe kandidatët e saj që garonin me një ofertë politike, por pushtetarë që vepronin si grupe të strukturuara kriminale që blinin vota, kërcënonin qytetarët, intimidonin nëpunësit publikë, shpërndanin leje legalizimi/ndërtimi, licensa dhe shpërblime të ndryshme.”
