Një anije luftarake iraniane është goditur aksidentalisht nga një raketë e shkrepur gjatë stërvitjeve detare në Gjirin e Omanit.
Për pasojë ka humbur jetën 1 marinar dhe 15 të tjerë kanë mbetur të plagosur. Ngjarja u regjistrua në një port rreth 1,270 kilometra në juglindje të Teheranit.
Agjencia iraniane e lajmeve IRNA, raporton se 12 prej marinarëve u shtruan në spital ndërsa 3 të tjerë kishin plagë të lehta.
Anija luftarake Konarak, e prodhuar në Holandë, është në funksion që nga viti 1988. Ajo transporton një ekuipazh prej 20 marinarësh.
Irani zhvillon rregullisht stërvitje në rajon, i cili është afër ngushticës strategjike të Hormuzit, nëpër të cilën kalon një e pesta e naftës në botë.
Incidenti vjen pas tensioneve të ngritura midis Teheranit dhe Uashingtonit që kur presidenti amerikan, Donald Trump në vitin 2018, u tërhoq në mënyrë të njëanshme nga një marrëveshje historike midis Iranit dhe fuqive botërore dhe vendosi sanksione ndaj Iranit.
