Qeveria e Boris Johnsonit synon të vendosë një ndalim total të përdorimit të telefonave celularë nga fëmijët dhe të rinjtë në shkollat britanike. Kjo u njoftua nga Ministri i Arsimit, Gavin Williamson.
Sipas Williamsonit, mania me telefonat celularë ka “efekte të dëmshme” në performancën në shkollë, mirëqenien dhe ndonjëherë edhe në shëndetin mendor të të rinjve. Para miratimit zyrtar të dispozitës, ministri bëri të ditur se dëshironte ta diskutonte atë me drejtuesit e instituteve; por – siç raporton Times – ai është i vendosur të vazhdojë gjithsesi.
Disa sindikata të mësuesve, më pranë opozitës së Laburistëve, kanë kritikuar idenë duke e etiketuar si “një shpërqendrim” nga problemet më urgjente të arsimit, të lidhura veçanërisht në këtë fazë me nevojën për të kompensuar kohën e humbur nga fëmijët më vonë për efektet e emergjencës dhe bllokimeve të Covid. Ndërsa ka nga ata që vërejnë se si kufizimet në përdorimin e telefonave inteligjentë janë tashmë në fuqi vënde-vënde, megjithëse të deleguara në direktivat e drejtorëve individualë dhe me ndryshime nga shkolla në shkollë nëpër Angli. Një studim britanik i disa viteve më parë gjithashtu regjistroi një rënie mesatare të performancës me mbi 8% tek studentët për shkak të varësisë nga telefoni celular; dhe 14-15% tek fëmijët me vështirësi më të mëdha në të nxënë.
Rezultatet janë kontestuar nga studime të tjera, por janë konfirmuar thelbësisht nga përvoja e vendeve të tilla si Norvegjia ose Spanja, të cilat gjithashtu vendosën për një ndalim të përgjithësuar – ose të paktën një kornizë kufizimesh – për disa kohë.
