Londinezët dhe turistët kanë marrë lule si simbol i dashurisë pas sulmit terrorist që ndodhi në Britaninë e Madhe.
Një grup myslimanësh u dhuruan 3.000 trëndafila njerëzve që kalonin në Urën e Londrës në shenjë solidariteti pas sulmit terrorist që la 8 persona të vdekur dhe disa të plagosur.
“Pas sulmit të javës së kaluar, ne po bëjmë një gjest dashurie për komunitetet e prekura nga sulmi. E gjithë ideja është që ne nuk do të lejojmë Urën e Londrës dhe asnjë urë tjetër që të shembet”, tha Zakia Bassou, një nga organizatoret e eventit të së dielës.
Elida Ercolano, një nga londinezet që mori trëndafil tha: Mendoj se është gjest mjaft i këndshëm. Kjo i rikujton njerëzit për atë që ka ndodhur. Është një simbol i këndshëm që mbledh njerëz bashkë.
Një tjetër qytetare tha: Është shumë bukur të shohësh këtë grup që dhurojnë dashuri si përgjigje ndaj gjërave të tmerrshme që ndodhën. Myslimanët duhet të ngrenë zërin e tyre kundër ekstremizmit. Është një mënyrë e mirë që tregon shumë për ta. Le të shpresojmë që nuk do të shohim më ngjarje të tilla të tmerrshme.
Gjithashtu, një shtetase amerikane u shpreh se nuk mund t’i përgjithësosh myslimanët si të këqij, pasi njerëz jo të mirë ka në çdo fe.
“Është gjë shumë e mirë që pikërisht myslimanët po na dhurojnë lule. Ka njerëz të mirë dhe njerëz të këqij në çdo fe dhe do të doja shumë që njerëzit ta kuptonin këtë”, u shpreh 61-vjeçarja Nancy Cannata nga Masaçusets./ Tirana Today
