Lee Marc Williams dhe Christopher Jones janë dënuar me 60 vjet burg në total, pasi u konstatuan fajtorë për vrasjen e 21-vjeçarit shqiptar Shkelzen Dauti, i njohur ndryshe si “Genny”. Ky i fundit u ther në gjoks në Southampton në orët e para të mëngjesit të 11 marsit, kur dy uellsianët dhunuan për vdekje 21-vjeçarin ndërsa më pas e grabitën. I riu shqiptar më pas ndërroi jetë në spital nga plagët e marra në trup.
Lee Marc Williams, 27, dhe Christopher Jones, 28 vjeç, të dy nga veriu i Uellsit, pranuan vrasjen dhe grabitjen. Ndërsa u dënuan nga Gjykata e Krimeve e Winchesterit, me nga 20 vjet burg për vrasje dhe me nga 10 vjet për grabitje.
“Ky ishte një sulm që u krye nga Lee Williams dhe Christopher Jones vetëm për të kënaqur lakminë e tyre. Ishte një sulm krejt i panevojshëm dhe nuk kishte asnjë provokim nga ana e të riut shqiptar”, u shpreh inspektori i policisë së Hampshire, Liz Williams. (TIRANA TODAY)
