Anglia do të përballet me Italinë në finalen e Euro 2020-ës dhe ndeshja do të luhet nën vërshëllimat e Bjorn Kuipersit, i mbiquajtur “arbitri më i pasur në botë”.
Kuipers ka qenë arbitër ndërkombëtar prej 15 vjetësh dhe me siguri ia njihni fytyrën… por ndoshta nuk e dini që ka një karrocë me lekë. Holandezi zotëronte një shumë marramendëse prej 11.5 milion paundësh në 2016-ën dhe është një sipërmarrës i njohur në vendin e tij.
Ai bashkëthemeloi zinxhirin e supermarketeve Jumbo Kuipers i cili shtrihet në Holandë dhe Belgjikë, teksa menaxhonte gjithashtu një parukeri së bashku me gruan e tij Marlies. Kuipers ka një diplomë bachelor në administrim biznesi nga Universiteti Radboud, kështu që di si administrohen bizneset.
