Arsenal mposhti Manchester United të dielën në “Emirates”. Kjo fitore e ‘topçinjve’ erdhi pikërisht në momentin që “Djajtë e kuq” ishin duke kaluar një periudhë fantastike.
Por përpos fitores, vëmendjen më të madhe në këtë sfidë e tërhoqi goli fantastik i realizuar nga Granit Xhaka. Një goditje fantastike që la të palëvizurn një nga portierët më të mirë në botë si David De Gea. Pas ndeshjes ishte vetë trajneri i United, Solskajer që dha vlerësim maksimal për Xhakën, madje duke e cilësuar edhe si brazilian, për faktin që topi mori një trajektore të tillë.
Por kjo ‘shtangie’ e De Geas nuk ka kaluar pa u komentuar gjatë në Angli. Ata janë përpjekur të sqarojnë me anë të disa teorive konspirative pse gardiani spanjoll mbeti në vend në atë moment:
1 – Është Jurgen Klopp që ka shkaktuar atë trajektore të çuditshme të topit. Trajneri i Liverpool është afruar me një freskuese të madhe duke krijuar shumë erë, gjë që solli edhe devijimin e topit. Bëhet kjo lidhje me Klopp, pasi në barazimin ndaj Everton trajneri gjerman përdori erën e fortë për të justifikuar ekipin.
2 – Në teorinë e dytë konspirative ndizet më shumë fantazia. Përgjegjës që De Gea mbeti i palëvizur në këtë rast është bërë qendërmbrojtësi Lindelof. Holandezi ka lëshuar gazra në atë moment që e kanë asfiksuar portierin dhe për këtë arsye ka mbetur i palëvizur.
3 – Pjesë e ‘komplotit’ mendohet që të ketë qenë edhe portieri i Real Madrid, Corutois. Ky i fundit kërkon të duket sa më keq spanjolli De Gea, pasi ekipi i Realit e ka një dëshirë të vjetër dhe e ka kërkuar me çdo kusht ta ketë në skuadër. Portieri belg sipas teorisë ka përdorur një teknologji të telekomanduar për të ndryshuar drejtimin e topit të goditur nga Xhaka.
4 – Një tjetër teori është futja e tifozëve në fushë dhe që godasin De Gean në momentin që Xhaka gjuan topin, duke e lënë në vend të palëvizur.
5 – Mourinho? Nuk mund të mungonte edhe portugezi në këto teori. Duke u cilësuar si një portier që mbrohet shumë dhe zakonisht ‘parkon autobusin’, Jose me autobusin e tij ka devijuar topin e goditur nga Xhaka duke mashtruar De Gean, pasi topi merr trajektore tjetër.
De Gea looking back at that Xhaka goal pic.twitter.com/IisP7FzM0f
— ₿hargav (@ThatIndianGuy) March 10, 2019
6 – “Hakmarrja e PSG-së”. Vetëm pak ditë më parë United eliminoi nga Champions League PSG-në dhe mendohet që në formë hakmarrje Cavani dhe Neymar kanë qëlluar me snajper De Gean, duke mos e lejuar që të hidhet në drejtim të topit pas goditjes së Xhakës.
