Politikat e SHBA nuk ndryshojë brenda natës dhe për këtë arsye politika e jashtme amerikane kundrejt Maqedonisë dhe rajonit mbetet e njëjtë, thonë ekspertët, pasi në publik vazhdon dilema se diçka ka ndryshuar pas marrjes së presidencës nga ana e Donald Trampit.
Ekspertët e marrëdhënieve politike ndërkombëtare, shpjegoi se deri më tani nuk ka ndryshim të rëndësishëm në politikën e SHBA ndaj vendit dhe rajonit, duke theksuar se Deklarata për partneritet strategjik dhe bashkëpunim, të cilën Maqedonia dhe Shtetet e Bashkuara e kanë nënshkruar në vitin 2008 është një garancë e fortë e sigurisë për sovranitetin dhe integritetin e Maqedonisë.
Kur para një viti, kandidat i atëhershëm për president të Shteteve të Bashkuara Donald Trump shpalosi vizionin e tij të politikës së jashtme amerikane, ka shkaktuar shqetësim në mesin e aleatëve të SHBA. Maqedonia gjithashtu ka ndjekur dhe ka debatuar për atë se nëse SHBA-ja do të ndryshojë kursin ndaj vendit dhe ndaj rajonit.
Kur bëhet fjalë për Maqedoninë dhe rajonin, profesor universitar, Stevo Pendarovski vlerëson se edhe më tej mbetet vazhdimësia e politikës amerikane. Ai thotë se prania e SHBA-ve në Maqedoni dhe në rajon në të kaluarën ishte e vogël, pasi që Evropa e mori menaxhimin e demokracisë me vendet e Ballkanit pas 11 shtatorit, 2001, por thekson se situata ka ndryshuar pas vizitave të fundit të diplomatëve të lartë amerikanë, sidomos pas vizitës së zëvendës Ndihmës Sekretari i shtetit Hoyt Yee, fill pas vlerësimir se kriza nga politike po kalon në krizë të sigurisë.
‘‘Tani rritja e pranisë së SHBA-së në rajon dhe në Maqedoni veçanërisht,në lidhje me krizën tonë, ka ndodhur për shkak të ripërcaktimit të problemit maqedonas në atë të sigurisë. Vlerësimi im është se tani ata mendojnë se puna është kthyer në rrugën e duhur, e cila më parë, por dhe tani do të vazhdojë që të menaxhohet nga BE-ja. Kështu që, sfidat politike institucionale dhe të sigurisë nuk janë më aq të mëdha që Evropë, e cila ka një strukturë heterogjene në vetvete nuk do të jetë në gjendje për t’i menaxhuar. Pra, nga tani e tutje ajo do të mund që t’i menaxhojë. Amerika vinte në rajon vetëm kur ka pasur punë e madhe për zgjidhje, nga e Bosnja përmes Kosovës deri në Maqedoni, ata edhe kësaj rradhe mendojnë se, ashtu mendoj unë që kanë të drejtë, gjërat e mëdha janë jashtë rendit të ditës, pra, përkatësisht, janë zgjidhur’’, thotë Pendarovski.
Profesor i të Drejtës Ndërkombëtare në Fakultetin Juridik, Denko Maleski thotë se nga jashtë nuk vërehet ndonjë ndryshim i rëndësishëm në politikën amerikane ndaj Maqedonisë. Ai beson se në muajt e fundit institucionet e SHBA kanë luajtur një rol të madh në formulimin e politikës së jashtme amerikane dhe se ata u shfaqen si një korrigjues të pikëpamjeve të Trumpit të shprehura në fushatën zgjedhore, veçanërisht ato që kanë të bëjnë me BE-së, NATO-s dhe marrëdhëniet me Rusinë – gjëra që, siç thotë profesori Maleski, ndikojnë mbi Maqedoninë.
‘‘U pa se ato institucione kanë ndikimin e tyre dhe e korrigjojnë politikën e fushatës, duke u kthyer atë në një fushë ku interesat e shtetit të diktojnë sjelljen e politikanëve paqësore. Kështu që mbizotëroi interesi në ruajtjen e kësaj fushe të demokracisë, pra, të zonës trans-atlantike që është ndërtuar vështirë që prej Luftës së Dytë Botërore e këtej, se është e rëndësishme për paqen në Evropë dhe në rajon, se është e rëndësishme për Shtetet e Bashkuara, se është e rëndësishme NATO-ja, se marrëdhëniet me Rusinë janë regulluar, jo në baza personale, por në aspekt të interesave dhe e gjitha kjo i ktheu punët relativisht në atë rrugë që ishin edhe në administratën e mëparshme.’’, thotë Maleski.
Profesor universitar në Universitetin e Tetovës, Bekim Kadriu thotë se politika amerikane ndaj Maqedonisë mbetet e qëndrueshme. Pikëpamja e tij është se politika amerikane nuk ndryshojnë brenda natës vetëm për shkak se është zgjedhur një presidenti i ri. Kadriu thotë se Trumpi tani është duke u përpjekur që të realizuar disa premtime të fushatës zgjedhore, por se ato nuk kanë të bëjnë me politikën amerikane ndaj Maqedonisë.
‘‘SHBA mbështet aspiratat euroatlantike të Maqedonisë, mbështetet Maqedoninë në drejtim të kthimit në vlerat demokratike, respektimit të lirive dhe të drejtave dhe gjithashtu mbështet edhe në aspektin e integritetit territorial, unitaritetit etj. Unë mendoj se kanë qenë spine informacionet se me ardhjen e Donald Trampit në pozitën e presidentit diçka do të ndryshojë në drejtim të politikave kundrejt Maqedonisë. Unë mendoj se nuk ka asgjë në këtë drejtim, politika mbetet e njëjtë, dhe kjo është politika e mbështetjes ndaj vlerave demokratike të Maqedonisë në përgjithësi “, thotë Kadriu./Zhurnal.mk
