Analisti Lorenc Vangjeli ka paralajmëruar se do të zbulohet një aferë më e madhe se inceneratorët. I ftuar në “ABC Live”, ai foli lidhur me skandalin e evazionit fiskal të 24 kompanive me inceneratorët. Në të njëjtën kohë ka dhënë sinjale edhe për një aferë tjetër të madhe, që ka pasur një hetim në 2014. Sipas tij, janë disa emra që i njohin të gjithë në Tiranë nga bota e biznesit. Për të, kjo aferë është më e madhe se inceneratorët.
“Do ballafaqohemi me emra të tjerë. Që në 2014, ka qenë një hetim, janë emra që i njohim të gjithë në Tiranë. Aktualisht janë pjesë e biznesit. Nuk e di sa do ndodhë një gjë e tillë. Ndoshta do të jetë edhe më e madhe se zhurma e inceneratorëve.
Por kush pushtet do tronditet? Ka disa lloje pushtetesh. Ka një pushtet moral, ka pushtet të votuar. Ka dhe pushtet xhepi dhe në Tiranë ka kohë se xhepat janë bërë të thellë. Janë të ndërlidhura me njëri-tjetrin, pushtet që do tronditeshin”, tha Vangjeli.
