E ardhmja e Gennaro Gattuso tek Milani nuk është më e sigurt. Pas shkarkimit nga posti i trajnerit tek Chelsea, Antonio Conte mund të rikthehet në Itali, aty ku shpërtheu edhe si trajnerë. Elliott beson se ish-trajneri i Juventusit është njeriu i duhur për ti besuar projektin e rilindjes së Milanit.
Sipas asaj që ka bërë të ditur “sportmediaset.it”, në mbledhjen e bordit drejtues të Milan, ditën e shtunë, mund të vijë edhe emërimi i Conte, në vend të Gennaro Gattuso. Conte ka qenë gjithmonë i preferuar për pankinën e Milanit dhe duket se është momenti ideal që të konkretizohet kjo martesë. Por jo vetëm Gattuso, edhe Massimiliano Mirabelli e Marco Fassone i kanë orët e numëruara.
Leonardo do të jetë prurja e parë e tek Milani, edhe pse merkato po vazhdon të bëhet nga Mirabelli. Me marrjen e Conte, Milan synon të bindë Bonucci të qëndrojë dhe të afrohet me Morata, që ka marrëdhënie shumë të mira me trajnerin.
