Ambasadori austriak në Shqipëri, Christian Steiner, është shprehur kundër kalimit të ligjit të medias në Kuvend.
Në një prononcim për mediat në Elbasan, ambasadori tha se liria e medias është themelore dhe duhet respektuar. Christian Steiner ka mbështetur edhe qëndrimin e Komisioneres së Këshillit të Evropës për të Drejtat e Njeriut, Dunja Mijatovic e cila u shpreh ditën e djeshme se: “Paketa antishpifje ka nevojë për përmirësim urgjent. Disa dispozita në të vërtetë nuk janë në përputhje me standardet ndërkombëtare dhe evropiane për të drejtat e njeriut që mbrojnë lirinë e shprehjes dhe lirinë e mediave.
Unë jam veçanërisht e shqetësuar që kompetencat diskrecionale që u janë dhënë organeve rregullatore, mundësia e vendosjes së gjobave të ekzagjeruara dhe bllokimi i faqeve të internetit të mediave pa një vendim gjyqësor, si dhe ndërhyrja e një rregullimi nga Shteti të mediave online, mund të sjellin një goditje të fortë për lirinë e shprehjes dhe lirinë e mediave në vend”, tha ajo.
