Ambasada e Shteteve të Bashkuara të Amerikës ka reaguar lidhur me incidentin tragjik që i mori sot jetën në krye të detyrës ushtarakes Zarifa Hasanaj, gjatë misionit të FA në NATO.
Në një postim në faqen zyrtare në Facebook, ambasada amerikane shpreh ngushëllime për familjen dhe miqtë e Hasanajt si dhe uron shërim të shpejtë për dy ushtarët shqiptarë të plagosur.
“Shtetet e Bashkuara shprehin ngushëllime për familjen dhe miqtë e Zafire Hasanaj, ushtaren e vrarë sot në krye të detyrës gjatë misionit të NATO-s në Letoni dhe i urojmë shërim të shpejtë dy ushtarëve shqiptarë të plagosur. Ne nderojmë sakrificën e saj”, shkruhet në postimin e ambasadës së SHBA-së.
