Ambasada amerikane në Kosovë ka dhuruar disa pajisje për Kompaninë e Komunikimit në vlerë 9.2 milionë dollarë.
Ceremonia e pranim-dorëzimit të pajisjeve “Harris” u organizua në mjediset e kazermës “Adem Jashari” në Prishtinë.
Ministri i Forcave të Sigurisë së Kosovës, Rrustem Berisha falendëroi ambasadën amerikane në Kosovë për bashkëpunimin dhe ndihmën e pakursyer.
“Ky donacion është mjaft i rëndësishëm pasi FSK bëhet moderne vetëm me pajisje të tilla moderne. Shpresojmë që në të ardhmen këtë sistem ta përdorim në komunikime të drejtpërdrejta me partnerët dhe aleatët tanë”, tha Berisha.
Pjesëtarët e FSK–së po ndjekin trajnimin e organizuar nga instruktorët amerikanë për t’u aftësuar në përdorimin e këtyre pajisjeve.
