Ambadasori amerikan në Kosovë, Greg Delawie, ka thënë se është i kënaqur me mbarëvajtjen e procesit zgjedhor të 22 tetorit.
Delawie tha se gjatë tërë ditës kanë bërë vëzhgime në Ferizaj, Shterpcë, Prizren dhe vende të tjera.
“Ambasada jonë ka 36 ekipe të ndryshme që po e bëjnë vëzhgimin e këtyre zgjedhjeve, dhe jemi shumë të kënaqur me procesin”, tha ai, transmeton Klan Kosova.
Delawie njoftoi se pas përmbylljes së qendrave të votimit, ata do ta bëjnë edhe vëzhgimin e numërimit të votave, me të gjitha ekipet e tyre.
