Ilda Bejleri është një nga moderatoret sportive më të përfolura dhe më të komentuar të ekranit. Ajo është mjaft aktive edhe në rrjetin social Instagram, ku herë pas here ndërvepron me fansat e saj.
Ditën e djeshme, moderatorja zhvilloi një bisedë pyetje-përgjigje në Instagram, ku një ndër pyetjet më pikante kishte të bënte pikërisht me analistin Mustafa Nano.
“Çfarë mendimi ke për Muç Nanon m’qafsh se e kam me merak?”- i shkruan një ndjekës Ilda Bejlerit.
Ndërsa Ilda nuk e ka vonuar përgjigjen e saj teksa i kthehet me një fjali të vetme: “Aman mos e zgjo… se e ka zënë gjumi.”
Kujtojmë se kohë më parë këto dy personazhe kanë argumentuar me njëri-tjetrin në rrjete sociale, pasi Nano e kritikoi Bejlerin për mënyrën e të veshurit në televizion.
