Kiço Londo është liruar nga detyra e drejtorit të Teatrit Kombëtar Eksperimental. Shkarkimi i tij vjen pas vendimit të Këshillimit të Ministrave. Ai është zëvendësuar në këtë detyrë nga regjisori Altin Basha.
Me nisjen e sezonit të ri televiziv, Altin Basha dha dorëheqjen nga posti i regjisorit të spektaklit të humorit ‘Portokalli’, të cilin e kishte mbajtur prej vitesh. Një largim ky që shkaktoi mjaft zhurmë në media.
Vendimi i Këshillit të Ministrave
PËR LIRIMIN DHE EMËRIMIN NË DETYRË TË DREJTORIT TË TEATRIT KOMBËTAR EKSPERIMENTAL “KUJTIM SPAHIVOGLI”
Në mbështetje pikës 2, të nenit 100, të Kushtetutës, dhe të pikës 3, të nenit 9, të ligjit nr. 10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës,
Këshilli i Ministrave
VENDOSI:
- Z. Kiço Londo, drejtor i Teatrit Kombëtar Eksperimental “Kujtim Spahivogli”, lirohet nga kjo detyrë.
- Z. Altin Basha emërohet drejtor i Teatrit Kombëtar Eksperimental “Kujtim Spahivogli”.
Ky vendim hyn në fuqi menjëherë.
ZËVENDËSKRYEMINISTËR
Erion Braçe
