Deputeti socialist, Erion Braçe, ka refuzuar të komentojë kërkesën e SPAK drejtuar Kuvendit, për arrestimin e kolegut të tij, Alqi Bllako. Ai tha shkurt për mediat se komentet që do të jepeshin në këtë drejtim, do të ishin politike. Për të, drejtësia do të merret nga fillimi deri në fund me këtë çështje, dhe se komentet e tepërta do të ndërhynin në hetim.
Ai tha për mediat se “komentet do ishin politike, ndaj nuk ia vlen të flasë”. “Të merret drejtësia me çështjen nga fillimi deri në fund, të nxjerrë konkluzionet e veta, është e tepër të bëjmë ne komente. Po ndërhymë ne me komente, prishet hetimi”, u shpreh Braçe.
A do japë dorëheqjen Bllako?
“Komentet do jenë politike, kështu që nuk ia vlen”, përfundoi ai.
SPAK iu drejtua sot Kuvendit për dhënie të autorizimit për caktimin e masës së sigurimit personal “arrest në burg” ndaj deputetit socialist.
