Portieri i Romës, Alison Becker, ishte kapiten në ndeshjen që zhvilloi Brazili të premten përballë Rusisë. Një rekord i vendosur nga ky ekip, pasi ishte kapiteni i 15 në 18 ndeshjet e fundit. Por edhe kjo ka një strategji, pasi tekniku i “Selecao” kërkon që të gjithë të ndjehen protagonistë në ekip.
Brazili mposhti Rusinë me rezultatin e pastër 3-0 në “Luzhniki”, por ajo që ra më shumë në sy ishte dominimi i lojës nga ana e të besuarve të Tites edhe pse me një mungesë të rëndësishme si Neymar. Në fundin e ndeshjes, kapiteni analizoi fitoren dhe tregoi sekretin e këtij grupi.
“Rusia është një ekip i fortë. Në Botëror nuk ka ekipe të lehta. Ata i sulmuan hapësirat tona dhe shpeshherë i gjetën. Për ne ishte një fitore e rëndësishme në prag të Kupës së Botës. Loja me këmbë? Kam punuar shumë në këtë aspekt dhe po luaj si një mbrojtës. Në skuadrën time luaj shpesh me këmbë. Por duhet të gaboj shumë pak. Sekreti? Kjo skuadër ka shpirt sakrifice. Ne ndihmojmë njëritjetrin”, ka thënë Alison.
