Gjatë fjalës së mbajtur sot në Kuvend, deputeti socialist Spartak Braho i tha Agron Tufës se “e keni kthyer institutin në celulë të Ballit Kombëtar, po luani me zjarrin duke shkelur ligjin dhe shpërdoruar. Luftën nuk e bëtë ju, por bijtë e këtij vendi, partizanët edhe ata ballistë që u rreshtuan pas 24 majit dhe koalicioni i madh antifashist”.
Pas tij, një kundërpërgjigje e menjëhershme ka ardhur nga kreu i partisë Balli Kombëtar, Adriatik Alimadhi, i cili ka ofenduar Brahon. Ai ka folur me një gjuhë jo etike, e ndërsa e ka cilësuar Brahon një budalla, pasi nuk është i informuar për historinë.
“Të biem kaq poshtë në nivelin e këtij budallait (i drejtohet Spartak Brahos), që nuk di asgjë për historinë. Kur ky thotë se ballistët thanin pula, po ju keni ngrënë koka njerëzish, keni vrarë 4-6 mijë shqiptarë. Kush more, kriminelët partizanë dhe komunistë. Nëse më jepni një dokument që Balli ka vrarë një komunist apo partizan, jap dorëheqjen”, tha Alimadhi.
