Deputeti demokrat Enkelejd Alibeaj ka dalë në një konferencë për shtyp, pas kapjes së 863 mijë eurove dhe gjetjes së dy patentave të mjeteve të lundrimit të Tahirit në automjetin e Orest Sotës.
Alibeaj tha se paratë e gjetura në automjet janë të të njëjtit person që i përkasin patentat, duke iu referuar Tahirit, ndërsa i bën thirrje Prokurorisë që të veprojë menjëherë.
FJALA E ALIBEAJT:
Pas denoncimit nga opozita para 3 ditësh, Policia u detyrua të pranojë publikisht shumën 863 mijë euro dhe patentat e drejtimit të mjeteve lundruese të Tahirit
25 vjeçari ka deklaruar se i duheshin për të blerë një sasi hekuri.
Kompania nuk i justifikon me dokumente këto para. Të kujt janë 863 mijë euro? Pse Rama, Çako u detyruan t’i fshihnin këto para? Të gjitha të dhënat tregojnë se këto para i përkasin të njëjtit person që i përkasin patentat.
Rama ka marrë përsipër t’i zhdukë këto prova sipas paktit Rama-Tahiri, me kushti që Tahiri të mos i marrë me vete dhe të tjera.
863 mijë euro dhe dy patentat e Tahirit për t’i siguruar në vend të ndryshme u kapën.
Provat janë aty, Prokuroria duhet të veprojë menjëherë, Tahiri nuk do i shpëtojë drejtësisë. Rama është prej 3 javësh i rënë politikisht, një kufomë mbrojtëse.
