Ish-deputeti demokrat, Enkelejd Alibeaj, thotë se presidenti Meta ka lindur me këmishë, sepse nuk ndodh kurrë që një president të jetë në një situatë të tillë aspak të këndëshme për ambientin politik.
I ftuar në “Tempora” në Ora News, Alibeaj deklaroi se do të jetë historia ajo e cila do të vlerësojë qëndrimet, pozicionet e sjelljet e të gjithë aktorëve politikë të kësaj kohe.
“Ilir Meta ka lindur me këmishë. Sepse nuk i ndodh kurrë një presidenti të republikës që të jetë në një situatë të tillë aspak të këndshme për ambientin politik, por të jetë në një situatë ku përballë një regjimi qartësisht autokratik të kesh fatin e mirë të përballesh me të. Historia do të jetë ajo që do të vlerësojë qëndrimet, pozicionet e sjelljet e të gjithë aktorëve të kësaj kohe. Do të ishte mirë që roli i presidentit të jetë ai që jep dekorata që bën ndonjë koktej për raste të mira ose që shkon në stadium kur luan kombëtarja. Nuk është e natyrshme që presidenti të jetë i vetmi përballë një mekanizmi pushtet-krim-para, ndonjëherë dhe keqkuptim ndërkombëtarësh”, tha ish-deputeti i PD-së.
