Deputeti demokrat Enkelejd Alibeaj, ka akuzuar kryebashkiakun Vangjush Dako dhe Qazim Sejdinin si persona të lidhur me krimin.
Në një deklaratë nga selia blu, Alibeaj tha se deri më tani nuk është arrestuar asnjë bos i krimit dhe nuk është sekuestruar asnjë pasuri kriminale.
Sipas Alibeajt, në përgjimet që disponon prokuroria, Dako ka lidhje me kriminelë, ndërsa shtoi se Sejdini ‘është i zhytur me bandat e Elbasanit’.
“As një pasuri kriminale nuk u sekuestrua. Nga përgjimet, Vangjush Dako ka lidhje me kriminelë. Ndërsa Qazim Sejdini është i zhytur në bandat e Elbasanit. Policia jo vetëm nuk i arreston, por i njofton të largohen”, tha Alibeaj.
