Alfio dhe Indriti, dy shefat e njohur të kuzhinës, gjithashtu të ardhur nga “InTv”, duket se i kanë zënë vendin moderatores bukuroshe Arjola Shehu. Gjatë muajve të nxehtë, ata të dy ishin gjithmonë në kërkim të recetave tradicionale të çdo qyteti të Shqipërisë, duke promovuar kështu edhe turizmin tonë. “Bukë, kripë dhe zemër” do të jetë pjesë e “Tv Klan” edhe për sezonin e ri, me titullin “Sfidat e gatimit”.
Pak javë më parë, pasi “Class” publikoi lajmin se Arjola nuk do të jetë më pjesë e “Tv Klan”, moderatorja e mohoi me shpejtësi, duke i mëshuar faktit se do të vazhdonte të ishte në këtë ekran. Ajo që shtonte edhe më shumë kuriozitetin lidhej me faktin se imazhi i saj nuk u pa në spotin që prezanton programet e reja në “Tv Klan”. Siç duket, fati i programit “Kush vjen për drekë” ishte sezonal.
