Qindra mijëra bjellorusë po protestojnë prej javësh, duke kërkuar largimin e presidentit Aleksandër Llukashenko. Ai po e sundon Bjellorusinë prej 26 vitesh dhe cilësohet nga Perëndimi si “diktatori i fundit në Evropë”.
Para karrierës politike, Llukashenko punoi si drejtor i një ferme dhe shërbeu si tankist në ushtrinë sovjetike. Në fillim të viteve 1990 u dallua si një kundërshtar i fortë i korrupsionit. Në vitin 1993, çoi para drejtësisë 70 zyrtarë të lartë, përfshirë presidentin për vjedhjen e fondeve shtetërore.
Por kur u bë vetë president një vit më pas, nisi të vidhte me të dyja duart. Llukashenko fiton zyrtarisht çdo vit vetëm 31.000 dollarë nga rroga e tij. Por shërbimi sekret amerikan, e vlerëson pasurinë e tij në 9-11 miliardë dollarë. Më të pasurit në vend, janë që të gjithë miqtë dhe bashkëpunëtorët e tij.
Vjedhja e hapur e zgjedhjeve në gusht, ia ka lëkundur pozitat. Por ai ka mbështetjen e plotë të një oligarku tjetër me famë botërore, presidentit rus Vladimir Putin.
TIRANA TODAY
