Kreu i LZHK-së, Dashamir Shehi, ka dhënë një përgjigje të drejtëpërdrejtë teksa është pyetur se çfarë mendonte për disa nga politikanët shqiptarë. Për kreun e qeverisë, Edi Rama, ai ka thënë se është zhgënjim i madh, ndërsa për Jozefina Topallin tha se do e ftonte që nesër që të hynte në politikë.
I pyetur nga moderatorët e emisionit të mëngjesit “Ditë e Re”, në RTV Ora, se çfarë mendon Dashamir Shehi për disa nga politikanët, ai i drejtoi një ftesë të hapur Topallit.
“Kam menduar, këtu e 5- 6 vite më parë, se ishte njeri i kultuar, do të ishte i qetë me veten e vet dhe shtetin që e rrethon, dhe do të prodhonte diçka të mirë për veten e vet dhe më pas për Shqipërinë.
Por ka bërë tërësisht të kundërtën. Jozefina Topalli, ka disa vlera, një lloj idealizimi që mund të jetë dhe pak arkaik, por i duhet politikës. Do e ftoja që nesër. Nuk kemi ndarë të njëjtat ide, por i duhet”, tha Shehi.
