Aleanca Ushtarake Islamike kundër terrorizmit filloi mbledhjen e parë të ministrave të mbrojtjes në kryeqytetin e Arabisë Saudite, Rijad.
Princi i kurorës i Arabisë Saudite, Mohammed bin Salman, e ka hapur sot takimin e parë të nivelit të lartë të aleancës së udhëhequr nga Arabia Saudite, të vendeve myslimane kundër terrorizmit, duke shprehur përkushtim se ekstremistët më “nuk do ta nxijnë religjionin tonë shumë të mirë”
Ai duke theksuar se me këtë mbledhje do të tregohet një vullnet i fortë në luftën kundër terrorizmit, tha se “Nuk do të pranojmë terrorizmin e civilëve në vendet islame dhe vlerat tona të përmenden me terrorin”.
Princi kurorës i Arabisë Saudite gjithashtu shprehu ngushëllimet e tij ndaj Egjiptit për personat të cilët kanë humbur jetën në sulmin terrorist ditën e premte.
Në këtë mbledhje merr pjesë edhe ministri i mbrojtjes i Turqisë, Nurettin Canikli.
Qëllimi i koalicionit
Themelimi Aleancës Islamike Ushtarake kundër Terrorizmit ishte njoftuar nga Princi i Kurorës dhe ministri i mbrojtjes i Arabisë Saudite, Muhamed bin Selman më 14 dhjetor 2015.
Me pjesëmarrjen e përfaqësuesve të 34 shteteve mes të cilëve edhe Turqia, më 15 dhjetor 2015 ishte publikuar një deklaratë e përbashkët, ku mes tjerash theksohej se është vendosur për themelimin e një koalicioni ushtarak nën udhëheqjen e Arabisë Saudite për të luftuar kundër terrorizmit dhe selia qendrore të jetë në Rijad.
Aleanca në të cilën sot gjenden 41 anëtarë përbëhet nga këto shtete: Afganistan, Bahrein, Bangladesh, Benin, Emiratet e Bashkuara Arabe, Brunei, Burkina Faso, Xhibuti, Çad, Marok, Bregu i Fildishtë, Palestinë, Gambia, Gabon, Guinea, Guinea-Bissau, Katar, Komoret, Kuvajt, Libia, Liban, Maldivet, Malajzia, Mali, Egjipti, Mauritania, Niger, Nigeri, Pakistan, Senegal, Sierra Leone, Somali, Sudan, Arabia Saudite, Togo, Tunizia, Turqia, Uganda, Oman, Jordania dhe Jemen.
Fusha e veprimit
Koalicioni ka për qëllim bashkëpunimin për të luftuar kundër radikalizmit dhe terrorizmit, përcaktimin e një diskursi të përbashkët kundër abuzimit të Islamit, intensifikimin e shkëmbimit të ndërsjellë të informacionit dhe inteligjencës, si dhe rritjen e solidaritetit dhe bashkëpunimit në këto sfera.
Ministrat e mbrojtjes së Aleancës Islamike Ushtarake kundër Terrorizmit mblidhen për herë të parë.
