Kryeministri i ri i Kosovës, Albin Kurti, ka njoftuar vendimin se tashmë ushtria do të jetë e detyrueshme. Nga foltorja e Kuvendit, Kurti njoftoi disa ndryshime që do ndodhin kur ai të jetë në qeveri.
“Do të fillojnë përgatitjet për shërbimin obligativ, 3 mujore kohëzgjatje, qe t’i përmbush detyrat në fushën mbrojtëse”, u shpreh Kurti.
Në shumë vende të Evropës si dhe në shumicën e vendeve anëtare të aleancës ushtarake transatlantike, NATO-s, shërbimi i detyruar ushtarak ose është hequr fare, ose është ndërprerë. 23 nga 28 vendet anëtare të NATO-s kanë ushtri profesioniste. 21 nga 27 vendet anëtare të BE-së nuk kanë shërbim të detyruar ushtarak.
