Deputetët e Vetëvendosjes, Albin Kurti dhe Donika Kadaj Bujupi do të presin ndërrimin e vitit me familjarët e tyre.
Kjo pasi ditën e sotme ata janë liruar nga paraburgimi, pasi gjykatësi ka vendosur që ata të mbrohen në liri. Aktgjykimi për deputetët e Vetëvendosjes do të merret me tre janar në orën 13:00.
Deputetët Kurti, Kadaj-Bujupi dhe Albulena Haxhiun së bashku me Faton Topallin dyshohen për hedhjen e gazit lotsjellës në Kuvend. Prokurori i rastit, Valdet Gashi ka kërkuar sot nga trupi gjykues që të dyshuarit të dënohen pasi është vërtetuar se ata janë fajtorë.
Kujtojmë që Lëvizja Vetëvendosje ndodhet në një krizë dhe rrezikon të përçahet, ndërsa disa prej deputetëve të saj tashmë kanë edhe probleme ligjore.
